என்னைப் பற்றி....

My photo
Salem, Tamil Nadu, India
சொல்கிறேன்..

14 March, 2009

The Feelings - வழக்குரைஞர்களின் போராட்ட உணர்வுகள்...



பிப்ரவரி 19- ஆம் தேதியன்று சென்னை உயர் நீதிமன்றத்தில் வழக்குரைஞர்களை தமிழக காவற்படை கண்முடித்தனமாக தாக்கிய விவகாரத்தில் வழக்குரைஞர் சமூகத்திற்கு ஏற்பட்ட மன உளைச்சல் ஒருபுறம் என்றால், அச்சம்பவத்தை விசாரிப்பதற்காக நியமனம் செய்யப்பட்ட நீதியரசர் கிருஷ்ணா கொடுத்த அறிக்கையால் விளைந்த வேதனை மற்றொரு புறம்.

இத்தனை நாளாக போராடுகின்றோம் .... வழக்குரைஞர்களை தாக்கிய காவல் துறை மீது எந்த ஒரு நடவடிக்கையும் எடுக்கப்படாமல் எப்படி நீதிமன்றத்திற்கு செல்வது என்ற ஒரு மனக் குழப்பம் இன்னொரு பக்கம்.

இடையில் ஆளும் அரசியல் கட்சியை சார்ந்த வழக்குரைஞர்கள் இதையே ஒரு நல்ல சந்தர்ப்பமாக பயன்படுத்தி தங்கள் அரச விசுவாசத்தை காண்பிக்கிறார்கள், நீதிமன்றத்திற்கு செல்வதாக கூறி. அதை எதிர் கட்சி (வழக்கில் அல்ல, அரசியலில்) வழக்குரைஞர்கள் தடுத்து தங்களுக்கு ஒரு பெயர் பதிவை அக்கட்சியில் ஏற்படுத்திக் கொள்கிறார்கள்..

இந்த விவகாரத்தை தமிழக அரசு கண்டு கொள்வதாக தெரியவில்லை... இவர்கள் தங்களுக்குள் அடித்துக் கொண்டு, எப்படியும் போராட்டத்தை பிசுபிசுசுத்து போகச் செய்து விடுவார்கள் என்றே காத்து கொண்டிருக்கிறது.

வழக்குரைஞர்களுக்கு நீதிமன்றம் சென்றால்தான் வருமானம். கடந்த 25 நாட்களாக நீதிமன்றத்தை வழக்குரைஞர்கள் புறக்கணித்து வருகின்றனர். சுத்தமாக வருமானம் இல்லை. கொஞ்சம் செல்வ செழிப்பாக உள்ள வழக்குரைஞர், ஒன்றுக்கு இரண்டு தொழில் செய்பவர்கள், அரசியல் செய்யும் வழக்குரைஞர்கள் ஆகிய இவர்களுக்கு கவலை இல்லை. சமாளித்து கொள்வார்கள். ஆனால், நீதிமன்ற வருமானத்தை மட்டுமே நம்பி, வேறு எதுவும் தெரியாமல் அல்லது கற்றுக்கொள்ளாமல் இருக்கும் வழக்குரைஞர்கள் பாடு உள்ளபடியே திண்டாட்டம்தான். குறிப்பாக அன்றாட வருமானத்தை தரும் குற்றவியல் நீதிமன்றப் பணி மட்டும் கொண்ட வழக்குரைஞர்கள் மிகவும் சோர்ந்து போயிருக்கிறர்கள், இந்தப் போராட்ததால். எனினும் சங்கத் தலைமை கருதி அமைதி காக்கிறார்கள்.
போராட்டம் வெற்றி பெற வேண்டும்... அப்போதுதான் வழக்குரைஞர்கள் கௌரவம் காவல்துறை மத்தியில் நிலை நாட்டப்படும் என்ற உணர்வும் ஆழமாக உள்ளது...

இப்படி பல்வேறு உணர்வுகள் மனதில் நிழலாட வழக்குரைஞர்கள் போராடி வருகிறார்கள். கூட்டமைப்பில் கூடி விவாதிக்கிறார்கள் ......

போராட்டம் வெற்றி பெற வேண்டும்.... வெற்றி பெறும்.....

12 March, 2009

வக்கீல் - பொது மக்கள் பிரச்சனைகளுக்காக போராட "தமிழ் நாடு வக்கீல் முன்னணி"


வக்கீல் - பொது மக்கள் பிரச்சனைகளுக்காக போராட சேலத்தில் "தமிழ் நாடு வக்கீல் முன்னணி" என்ற புதிய அமைப்பு தொடங்கப்பட்டது. 2009, மார்ச்சில் நடந்த இந்த அமைப்பின் கூட்டத்தில் இதன் நிருவாகிகள் சேலம் தமயந்தி, சேலம் ஷாஜகான், கோவை பரமசிவம், திருவண்ணாமலை விநாயகம், மதுரை கேசவன், திருச்சி கனகராஜ், மதுரை அப்துல் காதர், நீலகிரி ஷேக் முகமது, தஞ்சை கார்த்திகேயன், தருமபுரி சுகுமார், புதுகோட்டை ரங்கசாமி, கடலூர் கௌதமன், அரியலூர் மனோகரன், பெரம்பலூர் ராஜேந்திரன், பொருளாளர் ஜாகீர் அஹ்மத், ஒருங்கிணைப்பாளர் ஹரி பாபு உள்ளிட்ட 12 மாவட்டங்களை சேர்ந்த வழக்குரைஞர்கள் கலந்து கொண்டனர்.
மேலதிகமான சேதிகளுக்கு நமது சட்ட பார்வை-க்கு சந்தாதாரர் ஆகுங்கள். ஆண்டு சந்தா ரூ 120/- மட்டுமே.
செல்லிட பேசி எண். 9843035132.
Related Posts Plugin for WordPress, Blogger...