என்னைப் பற்றி....

My photo
Salem, Tamil Nadu, India
சொல்கிறேன்..

19 May, 2010

தாய்லாந்தில் அழகுப் பெண்களின் நடன நிகழ்ச்சி









அண்மையில் தாய்லாந்து நாட்டிற்கு சுற்றுலா சென்று இருந்தேன். பரபரப்பான நாடு. உலக மக்கள் அடிக்கடி வரவேண்டும் என்று விரும்பும் ஒரு கடல் நகரம். சுற்றுலாவை முக்கிய வருமானமாக கொண்ட இந்த நாட்டில் கோரல் ஐலேன்ட், புகிட் ஐலேன்ட், பட்டய கேளிக்கை நகரம் ஆகிய இடங்கள் மனதை கொள்ளை கொள்பவை. பர்ஸ்ஸெய்யும் சேர்த்துதான். எனினும் உற்சாகத்திற்கு பஞ்சமில்லை.

அந்த வகையில் தாய்லாந்து நாட்டிற்கு சுற்றுலா வருபவர்கள் பட்டாயா நகரில் (Pattaya City) தொடர்ந்து பல ஆண்டுகளாக நடத்து வரும் ஒரு நடன நிகழ்ச்சியை காண தவறுவதில்லை. அதன் பெயர் 'அல்கார்ட்ஸ் ஷோ' (Alcartz Show). மிக மிக அழகான பெண்கள் மிக மிக அற்புதமாக நடனமாடுகிறார்கள். அருமையான அரங்க வடிவமைப்பு. ஒவ்வொரு நடன காட்சி முடிந்ததும் அரங்க வடிவமைப்பும் மாறுகிறது. அந்த கால ஆர்.எஸ். மனோகர் தனது நாடக பின்னணி காட்சிகளை கதைக்கு தக்கவாறு மாற்றிக்கொண்டே இருப்பார். அதையெல்லாம் தூக்கி சாப்பிடும் வண்ணம் இந்த 'அல்கார்ட்ஸ் ஷோ' மேடை பின்னணி கட்சிகளை மாற்றிக் கொண்டே இருந்தார்கள். நிறைய மெனக்கெட்டு இருப்பது நன்றாகவே தெரிந்தது.
நாடக கலையின் தந்தை பம்மல் கே. சம்பந்தம் நாடக பின்னணி காட்சிகளை மாற்றுவது குறித்து எழுதும்போது 'பொருமுகலெனினி'  (பின்னணி காட்சிக்கான திரையை மேடையின் ஒருபுறமாக இழுத்துக் வந்து நிறுத்துதல்), 'இருமுகலெனினி' (பின்னணி காட்சிக்கான திரையை மேடையின் இருபுறத்தில் இருந்தும் சரிபாதியாக இழுத்துக் கொண்டு வந்து நிறுத்துதல்), 'கரந்துவரலெனினி' (மேல் இருந்து கீழாக இருந்கும் பின்னணி காட்சி திரை) ஆகிய இம்மூன்றும் நவீனகால அறிவியல் தொழில் நுட்பத்துடன் பயன்படுத்தி இருந்தார்கள். அத்துடன் தோட்டத்தில் நடனம் என்றால் மரம், செடி, கொடி, புல் என ஒரு நிஜ தோட்டமே கண் முன் தெரிகிறது. கோவிலில் நடனம் என்றால் உண்மையான கோவிலேயே கொண்டு வந்து நிறுத்துகிறார்கள். அதுவும் ஐந்து நிமிடத்திற்குள். மிக அருமையாக இருந்தது போங்கள்...

வண்ணமயமான ஒளியில் கண்ணை பறிக்கும் அலங்கார உடையுடன் (!) அப்பெண்கள் ஆடும் நடனம் இன்றெல்லாம் பார்த்துக்கொண்டே இருக்கலாம்.

நடனம் முடிந்த பிறகு வெளியில் வந்தால் அந்த நடன மங்கையருடன் பார்வையாளர்கள் நிழற்படம் எடுத்துக் கொள்ளலாம். கொடுத்த 'பாத்தை' (பாத் - தாய்லாந்த் பணம்) அவர்கள் வாங்கிக் கொண்டு கட்டியணைத்தபடி 'போஸ்' கொடுகிறார்கள். நிறைய பேர் அப்படி நிழற்படம் எடுத்துக்கொண்டனர். அவர்களுக்கும் நல்ல கலெக்சன்.

மிக மன நிறைவுடன் வெளியில் வரும் போது, எங்கள் வழிகாட்டி ஒரு முக்கியமான அத்துடன் வியப்பும் அதிர்ச்சியும் கலந்த சங்கதி ஒன்றை சொன்னார். அதாவது அந்த நடன மங்கையர்கள் யாரும் பெண்களே அல்ல. அவர்கள் அனைவரும் 'Lady boys' என்றார். அதாவது 'திருநங்கைகள்'. ஆனால் பெண்களே பொறமை கொள்ளும் பேரழகுடன் இருந்த அவர்களை திருநங்கைகள் என்று நம்ப மனம் மறுக்கிறது. இருப்பினும் அதுதான் உண்மை என்பதை தாய்லாந்த்தின் அதிகாரபூர்வ சுற்றுலா வழிகாட்டி புத்தகத்தை படித்து பார்த்த போது தெளிவானது.

4 comments:

Sumi said...

Thailand is really a tourist attraction..

புன்னகை தேசம். said...

நல்ல நடனம்..

உங்க பதிவு தமிழமுதம் குழுமத்தில் பகிர்ந்துள்ளோம்.

விரும்பினால் நீங்களும் இணைந்து பகிரலாம்..

Advocate P.R.Jayarajan said...

நன்றி சுமி

Advocate P.R.Jayarajan said...

நன்றி புன்னகை தேசம்.. தங்கள் தாய்லாந்தில் எங்கு உள்ளீர்கள்?

Related Posts Plugin for WordPress, Blogger...