என்னைப் பற்றி....

My photo
Salem, Tamil Nadu, India
சொல்கிறேன்..

19 January, 2013

பதிவை பிரசுரம் செய்த "ஜூட்டிசன்ஸ் ஆட் பேஜ்" பத்திரிக்கைக்கு நன்றி !

"ஜூட்டிசன்ஸ் ஆட் பேஜ்" - இது சௌராஷ்டிரா மொழி பேசும் எங்கள் இன மக்களுக்காக மட்டுமின்றி எல்லோருக்கும் பயன் தரும் வகையில் பல விடயங்களை தாங்கி சென்னையிலிருந்து மாதமிருமுறை வெளிவரும் பத்திரிகை. 

இதன் நிறுவனர் மற்றும் ஆசிரியர் திரு.எஸ்.ராம ஈஸ்வர்லால் ஆவார். பாரம்பரியமிக்க சௌராஷ்டிரா குடும்பத்தில் இருந்து வந்த இவர், இப்பத்திரிக்கையை பல்லாண்டு காலமாக நடத்தி வருகிறார். சௌராஷ்டிரா மக்கள் மற்றும் அவர்கள் குடும்பத்தினருடன் நெருங்கிய தொடர்பு கொண்ட இவர், சௌராஷ்டிரா சமூகம் மற்றும் சௌராஷ்டிரா மொழி வளர்ச்சிக்கு தனது பத்திரிகை வாயிலாக அரும் பணியாற்றி வருகின்றார்.


இந்த பத்திரிக்கையில் சௌராஷ்டிரா சமூக செய்திகள், பயன் மிகு கட்டுரைகள், "நீதிமன்றம்" என்ற தலைப்பில் வழக்குரைஞர் திரு பி.ஆர்.ரமேஷ் பாபு அவர்கள் தரும் சட்ட ஆலோசனைகள், வாழ்த்து சேதிகள், திருமண பொருத்தம் தொடர்பான விவரங்கள் ஆகியன வெளி வருகின்றன. வாசகர்கள் பலரை கொண்ட இந்தப் பத்திரிக்கையின் மூன்றாண்டு சந்தா ரூ.200/- மட்டுமே. ஆண்டு சந்தா ரூ.72/-. இது மின் மடல் மூலம் 'பிடிஎப்' கோப்பு வடிவில் உலகெங்கும் அனுப்பி வைக்கப்படுகின்றது. மின்மடல் முகவரி  juttysuns@gmail.com

எனது இந்த வலைப் பதிவு தளத்தில் வெளி வரும் கட்டுரைகளை தனது "ஜூட்டிசன்ஸ் ஆட் பேஜ்" பத்திரிகையில் அவ்வப்போது வெளியிட்டு பெருமை சேர்த்து வரும் இவர், சென்ற 2012-ஆம் ஆண்டை நினைவு  கூர்ந்தும்  மற்றும் இந்த 2013-ஆம் ஆண்டை வரவேற்றும் நான் இந்த வலைப்பதிவு தளத்தில் கடந்த மாத முடிவில் எழுதிய "நினைத்து நினைத்து பார்த்தால்" என்ற கட்டுரையை சிறப்புக் கட்டுரையாக தனது பத்திரிக்கையில் வெளியிட்டு மதிப்பு சேர்த்துள்ளார்.

கட்டுரையை வெளியிட்ட "ஜூட்டிசன்ஸ் ஆட் பேஜ்" -க்கும், அதன் நிறுவனர் மற்றும் ஆசிரியர் திரு.எஸ்.ராம ஈஸ்வர்லால் அவர்களுக்கும் எனது நெஞ்சார்ந்த நன்றிகளை தெரிவித்துக் கொள்கின்றேன்.


கட்டுரை பிரசுரமான பத்திரிகையின் முக்கிய பக்கம் 



பத்திரிக்கையின் முதற் பக்கம் 


பத்திரிக்கையின் 3-ஆம் பக்கம்


பத்திரிக்கையின் 5-ஆம் பக்கம்



பத்திரிக்கையின் 7-ஆம் பக்கம்


ஒரு வலைப்பதிவரின் கட்டுரைக்கு மதிப்பு கொடுத்து பத்திரிக்கை ஒன்று பிரசுரம் செய்தது சக வலைப்பதிவருக்கும் பெருமைதானே..?

என்றும் அன்புடன், 

பி.ஆர்.ஜெ.

18 January, 2013

வாழைப் பழத்தில் ஊசி ஏற்றும் கலை !


என்ன சார்..?  வாழைப்பழத்தில் ஊசி ஏற்றுவது ஒரு கலையா...? அதை கற்றுக் கொள்ள வேண்டுமா? என்று நீங்கள் கேட்பது புரிகிறது ....!

சார்..... வாழைப் பழத்தில் ஊசி ஏற்றுவது ஒரு மிகப் பெரிய கலை.... இந்தக் கலையை நான் மிகவும் சிரமப்பட்டு ஒருவரிடமிருந்து கற்றுக் கொண்டேன்... அதுவும் அவர் இந்தக் கலையை எப்படி பயன்படுத்துகிறார் என்பதை பல காலமாக அவருடன் இருந்து ஊன்றி கவனித்து கற்று, பயிற்சி பெற்றேன் என்றால் பார்த்துக் கொள்ளுங்களேன் !

இந்தக் கலைக்கு நாம் நன்கு அறிந்த ஒரு சிறிய எடுத்துக்காட்டை சுட்டிக் காட்ட வேண்டுமென்றால், கல்யாண விருந்து சாப்பிட்டுக் கொண்டிருக்கும் ஒருவர், "ஏப்பா... பாரு... பக்கத்துக்கு இலையிலே வடை இல்லை" என்று விருந்துப் பந்தியில் கூறுவது.அதாவது தனக்கு வடை வேண்டும் என்பதை அவர் ஊசி ஏற்றுகிறார்.

லிப்ட் கேட்டு ஏறுபவர், "இந்த தெரு வழியாக போனால், உங்கள் இடத்திற்கு சார்ட் கட் சார்.." என்று கூறி அந்த தெருவில் இருக்கும் தனது வீட்டருகே இறங்கிக் கொள்வது. இவை சூழலை நன்கு பயன்படுத்தி ஊசி ஏற்றி பலன் பெறுவது. இது எளிது.

சூழலை உருவாக்கி ஊசி ஏற்றுவதுதான் சற்று கடினம். இதற்கும் நமக்கு நன்கு தெரிந்த ஒரு கதையை நினைவு கூர்ந்து பார்க்கலாம்.  தனது தொப்பியை விட்டெறிந்து, குரங்கு தூக்கிச் சென்ற தொப்பியை கைப்பற்றிய தொப்பி வியாபாரி கதை நமக்குத் தெரியும்.

கடினமான ஆட்கள் எத்தனையோ பேரை நாம் நமது வாழ்வில் சந்திக்கின்றோம். இக்கட்டான தருணங்கள் எத்தனையோ நமது வாழ்வில் குறுக்கிடுகின்றன. அப்போது ஊசி ஏற்றி காரியம் சாதிக்க வேண்டுமென்றால், சம்பந்தப்பட்ட கடினமான ஆளை அல்லது இக்கட்டான தருணத்தை முதலில் வாழைப்பழமாக மாற்ற வேண்டும். இதுதான் மிக முக்கியமான செயல். இப்படி மாற்றாமல் ஊசி ஏற்றினால், ஊசி வளையலாம் அல்லது உடைந்து கூட போகலாம். அதாவது நினைத்தது நிறைவேறாது.

எப்படி வாழைப்பழமாக மாற்றுவது? 
அடிப்படை நுணுக்கங்கள் வருமாறு.



1. முதலில் வாழைக் காயை நன்கு கழுவுங்கள் ! அதாவது கடினமான ஆளை மூளைச்  சலவை செய்வது; கடினமான சூழலை இயல்பான ஒன்றாக்குவது. சாந்தப்படுத்துவது அல்லது சமாதானப்படுத்துவது என்றும் சொல்லலாம்.

2. அடுத்து காயாக இருப்பதை பழமாக மாற்றுங்கள் !! நடப்பதில் தன்னை விட சம்பந்தப்பட்ட ஆளுக்கே அதிக அனுகூலம் உள்ளது என்று கருத வைப்பது; கடினமான சூழலிலிருந்து தான் விடுபடுவதை விட கடினமான சூழல் தன்னை விடுபட்டு செல்வதே மேலானது என்று அச்சூழலுக்கு உணர்த்துவது. இதற்கு நிறைய பயிற்சியும், பொறுமையும் தேவைப்படும்.

3. தொடர்ந்து வாழைப் பழத்தில் ஊசி ஏற்றுவது !!! காய், கனிய வைக்கப்பட்டு விட்டது. இனி நினைத்தது நிச்சயம் நிறைவேறும். கடினமானது எளிதாகி விடும்.

4. முடிவாக, ஏற்றிய ஊசியை வெளியே எடுத்துவிடுவது. இதன் விளக்கம் என்னவென்றால், வந்த வழியே சத்தமில்லாமல் திரும்பி விடுவது. பலன் பெற்றாகி விட்டது. ஆர்ப்பாட்டம் தேவையில்லை. அங்கேயே குத்தி நிற்க வேண்டியதில்லை.


இங்கு கவனிக்க வேண்டியது, வெளிப் பார்வைக்கு பழமாக தோன்றும் சில, உண்மையில் பழுத்து இருக்காது. அதை இனம் கண்டு கொள்ளாமல் பழமாக தெரிகிறதே என்று நினைத்து நேரடியாக ஊசியை ஏற்றி விட்டால் ஊசி மாட்டிக் கொள்ளும். பிறகு எளிதாக எடுக்க வராது. அதாவது வெளிப் பார்வைக்கு இலகுவாக தெரியும் கடினமான ஆள் அல்லது சூழலிடம் ஊசி 'பாச்சா' பலிப்பது கடினம். எல்லாமே பொறுமையாக கேட்டு தெரிந்து கொண்டு, 'ஆகட்டும்... அப்புறம் பார்க்கலாம்.. என்னோட ஸ்டாண்ட் இதுதான்' என்ற 'காய்வெட்டு' நிலையாகி விடும். இந்நிலையை ஆங்கிலத்தில் 'Vulnerable' என்று சொல்வார்கள். அதாவது கருத்தை திணித்ததால் எதிர் ஆளுக்கு வடு படுமா அல்லது  திணித்தது தெரியாமல் விடு படுமா என்ற நிலை.


அதே போன்று பழுத்த பழத்தில் ஊசி ஏற்றி ஒன்றும் பலனில்லை. ஏனென்றால், அதுதான் பழுத்த பழமாயிற்றே !!


எந்த ஆழமான அல்லது முரண்பாடான கருத்தை பேசுவது அல்லது எழுதுவது என்றாலும் வாழைப் பழத்தில் ஊசி ஏற்றுவதை போல பேசினால் அல்லது எழுதினால் திடீர் தாக்கங்கள் ஏற்படாது; தர்க்கங்கள் தவிர்க்கப்படும். நடந்தது தவறே என்றாலும், அது சரியானதுதான் என்று நியாயப்படுத்தி விட முடியும். நடந்தது சரியே என்றாலும், அது தவறு என்று மெய்ப்பிக்கவும் முடியும். 

Related Posts Plugin for WordPress, Blogger...