என்னைப் பற்றி....

My photo
Salem, Tamil Nadu, India
சொல்கிறேன்..

25 February, 2013

பணம் இருக்கும் போதும், இல்லாத போதும்....?



பணம் இல்லாத போது, அவன் வீட்டில் உண்கின்றான்;
பணம் இருக்கும் போது, அவன் உயர்தர உணவகத்தில் உண்கின்றான்.

பணம் இல்லாத போது, அவன் வேலைக்கு மிதிவண்டியில் செல்கின்றான்;
பணம் இருக்கும் போது, அவன் உடற்பயிற்சிக்காக மிதிவண்டி ஒட்டுகின்றான்.

பணம் இல்லாத போது, அவன் காலாற நடந்து சென்று உண்கின்றான்;
பணம் இருக்கும் போது, அவன் உண்டது செரிக்க நடக்கின்றான்.

பணம் இல்லாத போது, அவன் தருமம் செய்கின்றன்;
பணம் இருக்கும் போது, அவன் நன்கொடை கேட்கின்றான்.

பணம் இல்லாத போது, அவன் பணக்காரனாக நடந்து கொள்கின்றான்;
பணம் இருக்கும் போது, அவன் ஏழையாக காட்டிக் கொள்கின்றான்.

பணம் இல்லாத போது, அவன் பங்கு வணிகம் ஒரு மோசடி என்கின்றான்;
பணம் இருக்கும் போது, அவன் அது நாட்டின் பொருளாதாரம் என்கின்றான்.

பணம் இல்லாத போது, பணத்தாசை ஒரு பேய் என்கின்றான்;
பணம் இருக்கும் போது, மேலும் பணத்திற்காக பேயாய் அலைகின்றான்.

பணம் இல்லாத போது, உயர் பதவிகள் தனிமையை தருபவை என்கின்றான்;
பணம் இருக்கும் போது, அப்பதவிகளை பெற போராடுகின்றான்.

பணம் இல்லாத போது, சூதாட்டமும் குடியும் கொடுமை என்கின்றான்;
பணம் இருக்கும் போது, அது உயர் சமூகத்தின் அடையாளம் என்கின்றான்.

பணம் இல்லாத போது, அவன் நிம்மதியாக இருக்கின்றேன் என்கின்றான்;
பணம் இருக்கும் போது, அவன் நிம்மதியை தேடுவதாக கூறுகின்றான். 

24 February, 2013

ஆசிட் வீச்சுக்கும் முட்டை வீச்சுக்கும் என்ன சம்பந்தம் ?


ஆசிட் வீச்சு ஒரு கொடுங் குற்றம். காயம் அல்லது மரணம் எதுவாக இருந்தாலும் மிகக் கொடுமையாக இருக்கும். அண்மையில் இத்தகு குற்றச் செயல் அதிகரித்து வருவது நாம் ஊடகங்களின் வாயிலாக அறிந்த ஒன்று. இது வருந்தத் தக்கது மற்றும் வேதனைக்குரியது.

ஆகவே ஆசிட் வீச்சு நாம் அறிந்த ஒன்று என்பதில் மாற்றுக் கருத்தில்லை.

அது சரி... ஆசிட் வீச்சுக்கும் முட்டை வீச்சுக்கும் என்ன சம்பந்தம் ?


முட்டை வீச்சும் நாம் அறிந்த, ரசித்து சாப்பிடுகின்ற ஒன்று. பரோட்டா கடைகளில் இது பிரசித்தம். பொன் நிறமாக சுட்ட முட்டை வீச்சு சாப்பிட மிக நன்றாக இருக்கும். கூட தொட்டுக்க கோழி கறி சால்னா அல்லது சூடான மட்டன் குருமா இருந்தால் சொல்லவே வேண்டியதில்லை !

ஆனால் இப்போது சொல்லப் போகும் முட்டை வீச்சு சற்று வில்லங்கமானது. இதுவும் ஆபத்தை  விளைவிப்பது. சமூக விரோதிகளின் மற்றொரு சுலபமான ஆயுதம்.

இரவில் கார் உள்ளிட்ட நான்கு சக்கர வாகனங்களில் சென்று கொண்டிருக்கும் போது, அவற்றை நிறுத்தி வழிப்பறியில் ஈடுபட நினைக்கும் கொள்ளையர்கள் தற்போது இந்த முட்டை வீச்சு நுணுக்கத்தை கையாளுகின்றனர் என்று  சர்வதேச குற்றவியல் விழிப்புணர்வு தகவல் ஒன்று கூறுகிறது. அதாவது, கார் கண்ணடி மீது முட்டையை சரமாரியாக வீசுவது. முட்டை உடைந்து அதன் வெள்ளைக்கரு, மஞ்சள் கரு கார் கண்ணாடி மீது பாவும்.


அச்சமயத்தில் பின்வரும் சில அனிச்சை செயல்களை நிச்சயம் தவிர்க்க வேண்டும்:

1. காரை நிறுத்தக் கூடாது. தொடர்ந்து அந்த இடத்தில இருந்து ஓட்டிச் சென்று விட வேண்டும். காரை நிறுத்தி சோதனை செய்ய நினைத்தால் வழிப்பறி உள்ளிட்ட குற்றங்களுக்கு ஆளாவது நிச்சயம். 

2. அடுத்து செய்யக்கூடாத ஒரு முக்கிய செயல் என்னவென்றால், கார் முகப்பு கண்ணாடி மீது பரவிய முட்டை கருக்களை நீக்க, காரை ஓட்டிக் கொண்டே கார் பனெட் மீது பொருத்தப்பட்டிருக்கும் நீர் தெளிப்பான் வாயிலாக நீர் பீச்சக் கூடாது. முட்டைக் கரு மீது நீர் பட்டவுடன் ஒட்டிக் கொள்ளும் தன்மை இன்னும் அதிகரித்து விடும். பசபசப்பு இன்னும் கூடி விடும். இது முகப்பு கண்ணாடி வாயிலாக பாதையை பார்க்கும் திறனில் 92 விழுக்காட்டை குறைத்து  விடும். 

3. அது போல், கார் வைப்பர்  மூலம் அக்கருக்களை துடைக்க முற்படக் கூடாது. கண்ணாடியில் ஓரிடத்தில் விழுந்த முட்டைக் கருவை நாமே கண்ணாடி  முழுக்க தடவி நமது பார்வையை மறைத்துக் கொள்வதற்கு ஒப்பாகும். 

பாதை தெரியாது போனால் காரை நிச்சயம் நிறுத்த வேண்டி வரும். இதுதானே அச்சமூக விரோதிகளின் எண்ணம். அதற்கு நமது மேற்படி அனிச்சை செயல்கள் துணை போய் விடக்கூடாது ! நாமே குற்றச் செயல்களுக்கு பலியாகி விடக் கூடாது.

எனவே எச்சரிக்கை !

Related Posts Plugin for WordPress, Blogger...